Khutbah Jumat Bahasa Jawa: Taqwim, Iqomah lan Istiqomah

اَلْحَمْدُ لِلّٰهِ الْعَلِيْمِ الْخَبِيْرِ، الْقَوِيِّ الْقَدِيْرِ الْعَزِيْزِ الْحَكِيْمِ، خَلَقَ كُلَّ شَيْءٍ فَأَتْقَنَهُ صَنْعًا وَتَقْدِيْرًا، شَرَعَ الشَّرَائِعَ فَأَحْكَمَهَا عَمَلًا وَتَنْظِيْمًا. اَشْهَدُ اَنْ لَا اِلٰهَ اِلَّا اللهُ وَحْدَهُ لَا شَرِيْكَ لَهُ شَهَادَةً أَرْجُوْ بِهَا النَّجَاةَ مِنَ الْعَذَابِ الْعَلِيْمِ، وَاْلفَوْزَ بِدَارِ النَّعِيْمِ الْمُقِيْمِ، وَاَشْهَدُ اَنَّ مُحَمَّدًا عَبْدُهُ وَرَسُوْلُهُ الْمَبْعُوْثُ رَحْمَةً لِلْعَالَمِيْنَ وَحُجَّةً عَلَى الْعِبَادِ أَجْمَعِيْنَ. اَللّٰهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى اٰلِهِ وَاَصْحَابِهِ وَمَنِ اهْتَدَى بِهَدْيِهِمُ الْقَوِيْمِ، وَسَلَّمَ تَسْلِيْمًا كَثِيْرًا

اَمَّا بَعْدُ : فَيَا عِبَادَ اللهِ! اُوْصِيْكُمْ وَاِيَّايَ بِتَقْوَى اللهِ، اِتَّقُوْا اللهَ تَعَالَى فِى السِّرِّ وَالْعَلَا نِيَةِ لَعَلَّكُمْ تُفْلِحُوْنَ. وَقَدْ قَالَ اللهُ تَعَالَى فِى كِتَابِهِ الْكَرِيْمِ : اَعُوْذُ بِاللهِ مِنَ الشَّيْطَانِ الرَّجِيْمِ يَاأَيُّهَا الَّذِيْنَ آمَنُواْ اتَّقُوْا اللهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ مُّسْلِمُونَ

Jamaah sidang jumat ingkang minulyo

Wonten kesempatan meniko kawulo minangkani khotib ngajak dumateng awak kawulo piyambak soho jamaah sekalian, monggo sami ningkataken taqwa dumateng Alloh Ta’ala, kanti tansah nindaaken kesahenan lan ngedohi keawonan wonten kondisi nopo mawon. Tindak taqwo meniko bukti komitmen kito marang keyakinan tuwin kesaksian kito bilih Alloh meniko Pengeran kito. Alloh Ta’ala sampun paring pangendikan wonten Al-Qur’an:

‌إِنَّ ‌الَّذِيْنَ ‌قَالُوْا ‌رَبُّنَا ‌اللَّهُ ‌ثُمَّ ‌اسْتَقامُوْا تَتَنَزَّلُ عَلَيْهِمُ الْمَلَائِكَةُ أَلَاّ تَخَافُوْا وَلا تَحْزَنُوْا وَأَبْشِرُوْا بِالْجَنَّةِ الَّتِيْ كُنْتُمْ تُوْعَدُوْنَ

Artosipun: Saktemene wong-wong kang podo ngucap Pengeran kito meniko Alloh, banjur deweke kabeh podo komitmen tuwin istiqomah iku bakal temurun marang deweke kabeh malaikat, kelawa ojo podo wedi lan susah siro kabeh, lan aweho bebungaho kelawan surgo kang wes dicawisno kanggo siro kabeh. (QS. Fussilat: 30)

Jamaah sidang jumat ingkang minulyo

Sahabat Abu Bakar dipun tangleti nopo ingkang disebut istiqomah wonten ayat meniko, lajeng piyambake dawuh:

أَنْ لَا تُشْرِكَ بِاللهِ شَيْئاً

Inggeh meniko boten nyekutuaken Allah kelawan nopo mawon.

Ateges kito namung ngestoaken bilih pengeran Namung Alloh. Kito angsal nikmat saking Alloh. Kito ibadah kelawan taufiq Alloh. Kito amal kerono ridho Alloh lan berjuang damel agami Alloh. Boten nyembah berholo, boten nyembah sergenge, boten nyembah wit-witan, lan boten nyembah bondo dunyo.

Lajeng sahabat Umar bin Khottob al Faruq ngendikan bilih istiqomah wonten ayat meniko:

اَلْاِسْتِقَامَةُ أَنْ تَسْتَقِيْمَ عَلَى الْأَمْرِ وَالنَّهْيِ وَلَا تَرُوْغُ رَوَغَاتِ الثَّعْلَبِ

Istiqomah meniko ajek tuwin jejek ngelampahi perintah Alloh lan nebihi awisanipun, lan boten nipu kados nipune musang tuwin bajing.

Ateges boten kados tiang-tiang munafiq ingkang namun ngucapaken syahadat ananging manahe tasek ingkar Alloh. Ucapan lan lelampahanipun boten sami kaleh manahipun. Bahkan, niatipun namung nyebar fitnah, hasud lan dengki diantawis sedulur islam.

Jamaah sidang jumat ingkang minulyo

Sahabat Utsman bin Affan dawuh ingkang dipun maksud wonten ayat meniko:

أَخْلَصُوا الْعَمَلَ

Podo ikhlas anggen ngelampahi amal kesaenan

Tegese ngelampahi sholat, sedekah, poso lan ibadah lintune kanthi ngarep-ngarep ridhone Alloh. Boten amergi menungso, boten amergi kepingin jabatan, pencitraan lan lintune

Sahabat Ali bin Abi Thalib ngendikan:

أَدَّوْا الْفَرَائِضَ

Podo ngelampahi perkawis-perkawis fardhu

Tegese ngelampahi perkawis-perkawis fardhu meniko sampun kalebet istiqomah wonten ayat meniko. Kados wonten setunggal Riwayat, bilih wonten tiang arab baduwi matur dateng kanjeng nabi bileh piyambake badhe ngelampahi perkawis-perkawis fardhu mawon lan boten nambah amal-amalan. Banjur Nabi paring bisyaroh bileh piyambake meniko kagolong ahli surgo.

Baca Juga

Jamaah sidang jumat ingkang minulyo

Dipun dawuhaken bileh istiqomah meniko langkung sahe tinimbang sewu karomah. Istiqomah saget nganteraken kito ngerahosaken manise iman lan nikmate ibadah. Istiqomah saget ngetingalaken kito sir tuwin rahasia-rahasia keagunganipun Allah wonten alam dunyo meniko. Keranten istimewahipun, istiqomah meniko amrat sanget. Kedha wonten tahapan-tahapan supadoso saget istiqomah ingkang Istimewa . Kados ingkang dipun dawuhaken Imam Qusyairi wonten kitab Risalahipun, bileh Syekh Abu Ali ad-Daqoq dawuh:

‌اَلْاِسْتِقَامَةُ ‌لَهَا ‌ثَلَاثَةُ ‌مَدَارِجَ: أَوَّلُهَا التَّقْوِيْمُ ثُمَّ الْإِقَامَةُ، ثُمَّ الْاِسْتِقَامَةُ، فَالتَّقْوِيْمُ مِنْ حَيْثُ تَأْدِيْبُ النُّفُوْسِ، وَالْإِقَامَةُ مِنْ حَيْثُ تَهْذِيْبُ الْقُلُوْبِ، وَالْاِسْتِقَامَةُ مِنْ حَيْثُ تَقْرِيْبُ الْأَسْرَارِ

Istiqomah meniko anggadahi 3 tingkatan: sepindah taqwim, kapindo iqomah, lajeng kaping tigo istiqomah. Taqwim meniko ndidik tuwin ngajar nafsu, iqomah meniko bersihaken ati, lan istiqomah meniko mareki rahasia-rahasia batin.

Jamaah sidang jumat ingkang ingkang minulyo

Tingkatan ongko sepindah inggih meniko ingkang disebat taqwim, ateges ndidik nafsu kanthi biasaaken supados ngelampahi perkawis ingkang dipun fardhu aken, kados shalat 5 waktu, poso wonten ulan Ramadhan, medalaken zakat lan haji, banjur dipun biasaaken kelawan amalan-amalan sunah. Kanti sekedik demi sekidik kito ngelatih nafsu meniko biasa ngelampahi kesunahan-kesunahan ingkang dipun wastani saget dadosaken kito soho parek marang Alloh. Wonten setunggal hadits, dipun sebataken: ora leren-leren kawulo ngeparek marang Aku(Allah) kelawan amalan-amalan sunah sehinggo Aku(Alloh) sehinggo demen marang deweke.

Usaha ndidik nafsu kelawan biasaaken kesaenan wonten Bahasa zaman meniko dipun sebut habit, artosipun kebiasaan saben dinten saget kito lampahi kanthi boten sadar tuwin boten wonten roso amrat babar pisan. Kadoso dining kito wekdal pertama kali melebet makaryo wonten Perusahaan. Pertami mungkin keraos amrat tuwin radih ngeroso aneh, ananging lami-lami kito saget biasa lan saget terus ningkataken kualitas pendamelan kito wonten Perusahaan meniko. Kito ingkang dereng biasa ngelampahi kesaenan monggo kito biasaaken, lan kito ingkang sampun biasa monggo kito ningkataken kualiatas kualitas kesaenan meniko. Meniko ingkang dipun lampahi poro ulama riyen, hinggo kito tingali katha aurod tuwin wirid-wiirid luar biasa.

Andidik nafsu meniko kerahos amrat sanget, sebab nafsu meniko sifatipun mberontak. Lan tansah nambah ngalem menawi kito turuti. Kados ingkang dipun dawuhaken wonten Qosidah Burdah:

وَالنَّفْسُ كَالطِّفْلِ اِنْ تُهْمِلْهُ عَلَى * حُبِّ الرَّضَاعِ وَاِنْ تَفْطِمْهُ يَنْفَطِمِ

Nafsu meniko kadoso bocah cilik kang lamun siro ngejarake seneng nyusu mongko terus ngalem, lan lamun siro sapeh mongko bocah meniko bakal ora nyusu

Jamaah sidang jumat ingkang minulyo

Nomer kale inggih meniko iqamah artosipun bersihaken ati saking sifat-sifat ingkang ngerusak amal kito. Terutaminipun sifat takabbur, ujub, lan riya’ menawi wekdal kito ngelampahi ibadah-ibadah ingkang kaitainipun munajat marang Alloh, kadoso sholat, poso, moco Al-Qur’an lan pitunggalinipun. Sampun ngantos amal-amal meniko kito lampahi kanthi takabbur, ujub lan riya’ keranten saget ngelebur ganjaranipun, bahkan saget dadosaken Alloh bendo keranten sifat-sifat meniko namung pantes kagem Alloh.

Lan menawi kito amal sae ingkang kaitanipun kelawan sesami menungso mongko kito bersihaken ati saking ngundat-ngundat lan ngelarani tiang ingkang kito paringi.

الَّذِينَ يُنْفِقُونَ أَمْوالَهُمْ فِي سَبِيلِ اللَّهِ ثُمَّ لا يُتْبِعُونَ مَا أَنْفَقُوا مَنًّا وَلا أَذىً لَهُمْ أَجْرُهُمْ عِنْدَ رَبِّهِمْ وَلا خَوْفٌ عَلَيْهِمْ وَلا هُمْ يَحْزَنُونَ

Artosipun: Yoiku wong-wong kang podo nginfaqno bondone kerono Alloh banjur ora disusuli kelawan undat-undat lan ngelarani. Wong-wong iku podo oleh ganjaran saking Pengerane, lan deweke kabeh ora wedi ugi ora susah. (QS. Al-Baqarah: 262)

Jamaah sidang jumat ingkang minulyo

Ingkang nomer tigo, inggeh meniko istiqomah artospun marek-mareke rahasia mawi ngerahosaken manise iman lan nikmatipun ibadah. Wonten setunggal ulama dawuhaken:

اَلْاِسْتِقَامَةُ دَرَجَةٌ بِهَا كَمَالُ الْأُمُوْرِ وَتَمَامُهَا ، وَبِوُجُوْدِهَا حُصُوْلُ الْخَيْرَاتِ وَنِظَامُهَا وَمَنْ لَمْ يَكُنْ مُسْتَقِيْمًا فِي حَالَتِهِ ضَاعَ سَعْيُهُ وَخَابَ جُهْدُهُ

Istiqomah meniko derajat ingkang dadosaken sempurno pinten-pinten urusan lan kelawan istiqomah hasil pinten-pinten kesaenan lan saget runtut. Lan sopo kang boten purun istiqomah tingkahe mongko ilang usahane lan rugi anggen kangelane.

Meniko sekedik khutbah ingkang saget kawulo aturaken mugi-mugi wonten guno lan manfaat kagem kito sedoyo, sehinggo kito terus semangat anggen ngelampahi ibadah lan istiqomah hinggo ajal dumugi kito. Mugi-mugi sedaten usaha kesaenan kito dipun ridhoi Alloh Ta’ala. Aamiin

جَعَلَنَا اللهُ وَاِيَّاكُمْ مِنْ عِبَادِهِ الْمُتَّقِيْنَ، وَنَفَعَنَا وَاِيَّاكُمْ بِتِلَاوَةِ كِتَابِهِ الْكَرِيْمِ، وَرَزَقَنَا وَاِيَّاكُمْ بِدَوَامِ الْاِسْلَامِ وَالْاِيْمَانِ، اِنَّهُ هُوَ الرَّزَّاقُ الرَّحِيْمُ

اَعُوْذُ بِاللهِ مِنَ الشَّيْطَانِ الرَّجِيْمِ : إِنَّ الَّذِيْنَ قَالُوْا رَبُّنَا اللَّهُ ثُمَّ اسْتَقَامُوْا فَلَا خَوْفٌ عَلَيْهِمْ وَلَا هُمْ يَحْزَنُوْنَ، أُولَئِكَ أَصْحَابُ الْجَنَّةِ خَالِدِيْنَ فِيْهَا جَزَاءً بِمَا كَانُوْا يَعْمَلُوْنَ

وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ